I DASHURUAR ME PUNËN
E kush nuk e njeh Ilir Begon në Pogradec , këtë djalë kaq pasionant e të përkushtuar për punën që bën si shpërndarës shtypi nëpër çdo rrugicë e shtëpi pogradecare !
Është i papërtuar , i shpejtë , tëpër korrekt dhe shumë miqësor me të gjithë .
“Ngrihem që në katër të mëngjesit dhe pres shtypin e ditës për ta shpërndarë” – të përgjigjet kur e pyet për pasionin që ka !
Dhe vërtet që është kaq i përpiktë dhe i papërtuar për t’ua shërbyer gazetën cilido nëpër ambjente publike dhe në çdo shtëpi ku janë të interesuar për ta pasur atë e për ta lexuar .
Iliri është edhe dashamirës dhe lexues pasionant i gazetës dhe i librave të ndryshëm .
Kur e pyet se si të vete puna , ai shfaqet pak i mërzitur e të përgjigjet në ecje e sipër se : “Ka rënë goxha puna këto kohë , krahasuar me disa vitë më parë !”
‘”Aha , kapedani xhaxhi Maliq , ka rënë shumë puna , po unë nuk heq dorë nga ky zanat” – më thotë dhe ikën për ku është nisur me gazetat nën sqetull .
I përulem këtij djali kaq punëtor që nuk e shikon kurrë lokaleve duke pirë kafe dhe duhan siç , zakonisht rrinë moshat e reja që presin nga pensioni i varfër i prindërve !
Ky është Iliri , ky të imponon respektin e djalit punëtor , njerëzor dhe me edukatë familjare që ka filluar këtë punë që vite e vite më parë nga mëngjesi herët e deri në orët e vona të pasdites , me merakun dhe padurimin që e nesërmja ta thërrasë prap në pasionin e tij që për Atë vetë është kthyer në mision !
Punë të mbarë dhe i papërtuar qofsh Ilir Bego !
