Kim Mehmeti: VLEN’i – shumë i vlefshëm për VMRO-DPMNE’në!
Nga: Kim Mehmeti
Dikur ishte BDI-ja ajo që i mbronte pushtetarët maqedonas nga kritikat shqiptare e sot VLEN’i paguhet për ta mbrojtur sunduesin maqedonas nga ‘rreziku’ shqiptarë!?
Pra në Maqedoni shumëçka ndryshon përpos mënyrës se si pengohet faktorizimi politik i shqiptarëve të këtushëm, siç nuk ndryshon as mënyra e qeverisjes së këtij shteti; nëpërmjet sunduesit maqedonas dhe vasalëve shqiptarë.
Dikur pra BDI-ja ishte ajo që e mbronte Maqedoninë nga ‘destruktiviteti’ shqiptarë, e sot janë paçavuret e VLENI’it ato që këtë vend e mbrojnë nga ‘hajdutët’ tanë, por duke mos guxuar ta kthejnë kokën nga hajnat maqedonas.
Sot është çdo gjë si dikur, përpos që shtohet numri i budallenjve shqiptarë që e mbrojnë Maqedoninë nga veprimtaria ‘destruktive’ e Ambasadorit të Shqipërisë në Shkup, e në ndërkohë duke mos u penguar pse ky shtet mbeti ‘filiale’ politike e Beogradit ku antishqiptaria shpërblehet institucionalisht, andaj emërohen drejtorë antishqiptarët që thonë se ne bëjmë seks me dhitë?
Pra sot shtohet numri i nostalgjikëve ndaj kohëve kur ambasadorët e mëmëdheut nuk shkonin më larg se në dasma e syneti dhe kur kishim shumë shqiptarë që dinin të ministrojnë, por që kurrë nuk u mësuan të ‘shqiptarojnë’! (Kim Mehmeti)
