Shpulla e shtetit!
Keshtu nisin rrugen e tyre diktaturat, kur tentohet qe t’u prishet qetesia! Ne Korçë gjoba 1 milionë lekë ndaj fermerëve bëri punë. Fermerët herën e dytë i lanë traktorët në shtëpi dhe protestuan si në kotec pulash të rrethuar nga policët e Gjovalin Lokës.
Në Mirakë të Elbasanit i morën përdhunshëm qytetarët që protestuan për rrugën paqësisht. Sot kishin lajmëruar protestën e radhës, por asnjë banorë nuk guxoi të dilte përsëri në rrugë.
Sot, në herën e tretë në Thumanë, pasi peovuan sprajin neutralizues, Altin Qato me shokë përdori shpullën si fillim…në konisariat ndoshta zbutet dhe përdor pambuk!
Kjo nuk është vetëm diktaturë, por një regjim policor, që ka nisur të mbjellë terror për të ndalur çdo reagim e revoltë qytetare! Mirëpo, këta mjeshtrat janë injorantë me brirë, që s’kanë lexuar ndonjë libër historie në jetën e tyre, për të pasur parasysh së paku se çfarë ndodh kur pika e vlimit të zemërimit qytetar shkon aty ku s’mban më!
