Çifti romë, një ”muze historik” i qytetit të Roskovecit
Sa të fortë paskan qënë bashkëshortët romë, mjeshtërit Ramiz dhe Merushe Sheme! Përsëri i pash sot të mikluar nga biznemeni i suksesshëm bamirës Tomi Kola. E kush nuk i njeh dhe nuk i ka miq këta të moshuar flokëbardhë e zëmërbardhë? Ata vijnë nga gjysma e parë e shekullit të kaluar. Ndoshta mund të jenë të vetmit çerepbërës, zanatçinjë artizanë të këtij fundviti të njëzetë. Çerepat, shoshat, sitat e tyre gjënden në shtëpitë dhe familjet myzeqare e mallakastriote. Shtëpia e tyre ka qënë një punishte ku prodhoheshin në mënyrë artizanale të gjitha veglat dhe mjetet e punës, ku pregatitet buka e përbashkët. Amvisat kanë pjekur tavat nën çerepin shpuzë, kanë situr miellin e qëmtuar, për të qatuar bukën e fëmijëve.
”Mohikanët” e fundit u panë përsëri sot, të nderuar dhe respektuar nga biznesmeni pastiçier e bukëpjekës. Qytetaria dhe zanati i bashkon. Ata, të përkulur sikur mbanin çerepa, shosha, e sita mbi supe; këto”pushkë” tradicionale. Ramizi dhe Merushja në gjurmët e tij, vazhdojnë të përcjellin dhe t’i japin ngjyra të ndriçuara historisë së lashtë të zanatçinjve e artizanëve të qytetit të Roskovecit.
