Intervista e parë në radio. “Qeka shumë e bukur! Radio të boka për vete”, deklaroi kapiteni i Teutës në studio.
Dje, ishte DREJTPËRDREJT në RADIO TIRANA 1 RENATO ARAPI, kapiteni i Teutës së Durrësit, fituese e Kupës së Shqipërisë në 100-vjetorin e krijimit të klubit. Kampion (6 herë) dhe fitues i Superkupës së Shqipërisë (2 herë) me Skënderbeun e Korçës. Fitues i Kupës së Shqipërisë (2 herë) edhe me Besën e Kavajës. Futbollisti i vitit në Shqipëri në sezonin 2013-14. Ka luajtur edhe me Dinamon, Shkumbinin dhe Partizanin në Shqipëri, me Silkeborgun në Danimarkë, në Turqi me Bolusporin dhe Afjet Afyonsporin. Futbollist i Kombëtares, mbrojtës polivalent, i zgjuar, i fortë, energjik, i vendosur shumë mirë taktikisht, profesionist i vërtetë (brenda dhe jashtë fushës).
✅Ndeshja më e mirë, më e bukur e karrierës: Me Kombëtaren, kundër Kamerunit.
✅Goli më i bukur: “Me Besën, goli i barazimit kundër Vllaznisë, për Kupën e Shqipërisë”, deklaroi Arapi.
✅Kundërshtari më i vështirë: Devi Muka.
✅Momenti më i vështirë i karrierës: Në vitin 2015. Kur u operova. Kisha probleme me muskujt e barkut. Isha në kulmin e karrierës sime.
✅Ekipi më i mirë që ka ardhur në Shqipëri: Napoli.
✅Skuadra më e mirë shqiptare e të gjitha kohërave: Tirana.
✅Cilin titull ke shijuar më shumë me Skënderbeun: Atë të vitit 2013-14. Kishim bërë një pakt me presidentin Takaj. Do na mbante 30 % të rrogave po mos shpalleshim kampionë… E siguruam titullin që në janar.
Në këtë seri pyetjesh, përgjigjet e Renato Arapit, vetëm për periudhën që ai ka parë dhe luajtur futboll…
✅Portieri më i mirë i të gjitha kohërave: Orges Shehi.
✅Mbrojtësi më i mirë: Nevil Dede.
✅Mesfushori më i mirë: Devi Muka.
✅Sulmuesi më i mirë: Hamdi Salihi.
✅Futbollisti më i mirë: “Shumë e vështirë kjo pyetje”, deklaroi Arapi.
✅Trajneri më i mirë: Ilir Daja.
✅Cila skuadër e fiton kampionatin vitin tjetër: Me 2-3 afrime, Teuta do të jetë pretendente serioze.
