Të gjithë e admiruam mbrëmë Prishtinën. Në ekranet televizive dhe në rrjetet sociale shikohej e komentohej me admirim revolucioni i votës ditën e Shën Valentinit në Kosovë.
Fushatë elektorale vetëm 10 ditë, qeveri që nuk përdor shtetin për fushatë, pjesëmarrje masive në kushtet e pandemisë dhe dëborës, votë masive për rotacionin e elitave politike, vetëpërmbajtje e fituesve, pranim rezultati nga opozita dhe angazhim prej saj për sjellje konstruktive.
Po Shqipëria? Një gjë është e sigurtë. Mësuam vlerën e votës, mënyrën se si jepet vota, po ashtu mësuam që duhen votuar ata të cilët kanë për qëllim ta bëjnë atdheun e tyre një vend më të mirë se dje!
Suksese Kosovë! Faleminderit për shembullin që na dhe!
