Nga Engjëll Serjani: Kandidara surprizë e Tom Doshit në Gjirokastër/ Ish-punonjësja e OSBE-së kandidon për PSD-në

Kandidatura surprizë e Tom Doshit në Gjirokastër
Ish-punonjësja e Prezencës së OSBE-së kandidon për PSD e Tom Doshit.
Një ish-nëpunëse e Zyrës Rajonale të OSBE-së ka shpallur kandidaturën e saj dhe ka nisur fushatën elektorale të zgjedhjeve të përgjithëshme të 23 prillit nën siglën e Partisë Social Demokrate me kryetar Tom Doshin në qarkun e Gjirokastrës. Për afro 13 vjet. kandidatja e PSD në qarkun e Gjirokastrës Anduela Caca (Lula), gjatë periudhës Tetor 1998, deri në Dhjetor 2011 ka punuar si koordinatore programi në Zyrën Rajonale të Prezencës së OSBE-së.
Kandidatura e saj ka tërhequr vëmëndjen e strukturave lokale të partive të tjera në garë, jo vetëm për shkak të kontestimeve dhe presioneve të shumë përsëritura të Ambasadores Amerikane në Tiranë Yuri Kim ka bërë ndaj kandidimit të Tom Doshit, si person me të shkuar kriminale, por edhe për faktin se kandidatja ka një goxha eksperiece pune në organizata dhe kompani ndërkombëtare si: koordinatore “Netherlands Senior Experts” (Shoqata e Ekspertëve Holandezë) për ndërmarrjet e vogla dhe të mesme në Shqipëri dhe si manaxhere e Projektit EVAH – “European Values in Heritage” (Vlerat Europiane në Trashëgimi) të implementuarnga Fondacioni Gjirokastra.Mësohet se në ditët e ardhshme të fushatës
Partia Social Demokrate e Tom Doshit ishte e para që çeli një zyre elektorale në një nga qëndrat më të populluara dhe qarkulluara të qytetit të Gjirokastrës dhe ka nisur e para veprimtaritë e fushatës elektorale për zgjedhjet e 25 prillit. Sipas analistëve politik lokalë, partia e Tom Doshit e ka marrë shumë seriozisht dhe duket shumë e angazhuar për mbështetjen e kandidatës Anduela Caca me eksperiencë të madhe në bashkëpunimin e saj me organizata të rëndësishme ndërkombëtare. Mësohet se në ditë e ardhëshme të fushatës elektorale pritet që të zbresë në Gjirokastër vetë kryetari Tom Doshi për të prezantuar kandidaten e parë të listës së PSD në qarkun e Gjirokastrës.
Ndërkaq burime nga KQZ bëjnë të ditur se deputeti aktual Tom Doshi do të kryesojë listën e PSD për qarkun Shkodër dhe për Tiranën. Pavarësisht zhurmës së krijuar rreth figurës së Tom Doshit nga Ambasadorja Amerikane Yuri Kim, ai vazhdon të sfidojë me pretendimet e tij për të marrë 2 deputet në Shkodër nga 11 që ka ky qark dhe 2 në qarkun e Tiranës. Tashmë që fushata elektorale ka nisur zyrtarisht dhe gjitha subjektet politike kanë regjistruar kandidatët e garës, PSD e Tom Doshit surprizon në qarkun e Gjirokastrës me një kandidaturë interesante si ajo e ekspertes së projekteve ndërkombëtare 45 vjeçaren Anduela Caca.
Aktualisht kandidatja e PSD në qarkun e Gjirokastrës ka qënë e angazhuar me punë si manaxhere e Projekteve të BE-së në Bashkinë e Tepelenës, ndërkohë që kontriubon edhe si koordinatore e shoqatës për nxitjen e turizmit “Visit Gjirokastra”, një organizatë e mbështetur nga RisiAlbania, projekt i Agjencsë Zvicerane për Zhvillim dhe Bashkëpunim dhe koordinatore e Qendrës Kulturore Mediatike Antigonea. Gjithashtu ajo ka qënë drejtore e Burimeve Njerëzore dhe Shërbimeve Mbështetëse në bashkinë e Gjirokastrës gjatë kohës kur kryebashkiake ishte Zamira Rami, përgjegjëse e Sektorit të Projekteve Strategjike dhe Statistikave në këtë bashki dhe përgjegjëse e Sektorit të Auditit në institucionin e Prefektit të Qarkut Gjirokastër.
E.S.