Pushimet do të mbarojnë dhe ne do rikthehemi përsëri në karantinë.
COVID-19, njëri prej viruseve që po shfrytëzohet më së miri nga qeveria. Ka shumë kohë që fjala virus u bë si zhurma e atyre krimbave që gërryejnë trarët. Në fakt, historikisht në jetën e njerëzve nuk ka qenë virusi vrasësi i tyre, por politika qeveritare. E njëjta gjë po ndodh dhe sot. Virusi infekton por nuk vret. Jetën po na i merr ti i zgjedhuri ynë dhe ti politikbërësi ynë. Dikur na thanë “të mbyllemi në karantinë sepse virusi zhvillohesh në diell” dhe populli me vrap në karantinë. Na lanë pabukë dhe paarsim prej këtij ”virusit“. Kryeministri ynë mbas 4 muaj karantinë u kujtua se virusi donte diell që të largohej dhe menjëherë hapi sezonin turistik sepse ky sektor ishte burim fitimi për qeverinë. Tani po rrit numrin e të prekurve me COVID-19 çdo ditë sepse pushimet po mbarojnë dhe bashkë me të dhe fitimet qeveritare. Shtatori po vjen, ne do të mbyllemi përsëri në karantinë deri sa të vij fushata qeveritare dhe ne ashtu ”barkë zgrop, barkë dërra, injorantë dhe brekë-grisur, të sëmurë dhe të varfër“do të shkojmë të votojmë përsëri për këta horra sepse kjo karantinë do ta lodhi popullin psikologjikisht dhe më shumë. Ti KM që ”vret”, ti që flet, lëre popullin vetëm njëherë të lirë dhe aty do ta kuptosh forcën e sovranit.
