Kronologji e thjeshtë për dramën me akte!
Është skenar drame i përgatitur me akte. Veprimet e aktorëve politik, të quajtur deputet, dukshëm janë të instrumentuar me skenar e regji.
Këtë dramë për shqiptarët dhe demokratët në veçanti , ata “deputatët” po e interpretojnë me një zell të papreçedent. Nuk e kanë me Lulzim Bashën, do e kishin me cilindo që nuk do premtonte mburojë për të korruptuarit dhe dinastinë e tyre.
Këtë teatër po e luajnë në dëmin e vendit dhe të qytetarëve të ndershëm. Huqet e liga që kanë marr po na i shesin si dobi e domosdoshmëri. E kësaj “dobie” i`a kemi ndjerë “erën” në 33 vite tranzicion.
Pse kaq gjatë?
-Sepse liria erdhi vetë- tha At Zef Pllumi
Atë që shqiptarët e përqafuan si liri e demokraci në fillim vitet 90, nuk ishte tjetër veç anarshi vlerash e instrumentuar nga ish sistemi. Disa që nuk arritën ta përballonin morën kurbetin, disa qëndruan me shpresë se nesër do bëhet më mirë. Presin e ç`do ditë shohin më keq.
Po nga buron ky pis moral papërgjgjshmërie?
Një herë e akuzon Metën si hajdut të thesarit shtetit, si trafikant, korrupsion, vrasje, e më pas bën aleancë për interesa personale, e nuk jep asnjë shpjegim për hapat që ndërmerr.
Pas aleancës rifillon teatri me risharje, me kërkesë për dorëheqje, por sapo Metaj i përmend të birin bije heshtja.
Drama vazhdon, merr ndëshkimin non grata, shprehet se është çështje personale dhe se nuk do përziej fatin e PD me të tijin. Por në fakt fillon foltoret duke marr zvarrë fatin e vendit për hallet e non gratës familjare… Se sa thellë është në zullume, ne nuk dimë, por kush ka dy pare mend i analizon veprimet dhe e kupton.
Gjithsesi këtë dramë në ç`do akt e shoqërojnë trillimet dhe baltosjet, sharjet dhe ndotjet deri në neveri. Titulli i dramës mbetet i njejtë, pa lidhje me përmbajtjen, “për të mirën e vendit dhe popullit shqiptar”.
I ziu popull, sa shumë gjëra bëhen në emër të tij, madje edhe kullat që ndërtojnë, edhe tenderat, edhe pronat për nderin e popullit i grabisin. Edhe skeletet në dollap, “në luftë” për të mirën e popullit i krijuan.
Po ku është morali i kësaj drame i luajtur me të njëjtët aktor dhe me të njëjtën melodi?
Mendoj se morali individual pasqyrohet edhe në politikë. Realiteti i sotëm i këtyre aktorëve politikë që ndërrojnë mendim dhe veprim pa u ngrysur dita na përball me mungesën e moralit politik.
E hanë turpin me bukë. Mendojnë se shqiptarët e kanë kujtesën afatshkurtër dhe i harrojnë ç`kanë thënë më herët për njëri tjetrin. Dramalujatësve po u shembet skena.
Do ishte mirë të reagonte SPAK, për gjithë deklaratat publike që kanë bërë për njëri tjetrin.
E dini pse?
Sepse sa herë janë akuzuar mes tyre për vepra të rënda, nuk e kanë kallzuar kurr njëri tjetrin për shpifje. Ka gjasa të jenë të vërteta akuzat dhe kjo i bën bashkë, në këtë dramë ku shahen, çirren, akuzohen e më pas ulen në një tryezë.
Skenarin që po e shohim tani e ngjizën në drekën e famshme te “Uka Farm”. Jehona i`u dëgjua në deklaratën e Palokës se “ për zgjedhjet e 14 majit kishin dakordësuar me Gaz Bardhin”.
Pasi demokratët ua lanë pataten e nxehtë në dorë me kuvendin e 2 shtatorit, pseudo deputetët u mblodhën në një sallë për aktin e fundit të dramës së tyre. Planin e kanë pasur, 2 shtatori vetëm ua afroi ditën.
