Testament Arbnor! Kushtrim !
Betim për bashkim!
Tungjatjeta Plavë- Guci
Këtu ka folenë shqiponja
Brez pas brezi n’histori
Je legjendë për trojet tona
Plavë-Guci shumë je hijeshue
Syni i kaltër ta stolis bjeshkën
N’sofrën tande që ke shtrue
Na ke mbledhë si zgjoji bletën
Orë e zana sot vallzojnë
Me Gjon Balën legjendarë
Edhe bilbilat n’bjeshkë këndojnë
O sa mirë me kanë shqiptarë
Kuq e zi Plavë-Guci
Ti je nderi i tokës arbnore
Për flamur’ e për liri
Luaneshë gjithmonë qëndrove
Ilirjane e Arbnore
Shqiptare plot lavdi
Shndrit në shekuj përmendore
Toka jonë Plavë-Guci
Krojet, mrizet, bjeshkët me zana
Na kanë lanë një amanet
Pashë atë gji që ju dha nana
Mos i leni kullat shkretë
Mos harroni se para Zotit
Borxh e kemi një betim
Kush është nipi i Kastriotit
Nuk e lëshon Plavë-Gucinë
Në këto troje në këto vatra
Si shqiponja, si skifterë
Janë përkund dragonjë me flatra
Ali Pashë e Jakup Ferrë
Nëpër shekuj historia
Ka skalit me shkronja arit
Perjetësisht Plavë- Gucia
Ka me mbetë trolli i shqiptarit
O moj toka e Kastriotit
Flamur’ shqipe mbi kala
N’sofrën tande mot mbas motit
Kanga e vallja s’ka me pra
Zanat e malit, hana e dielli
N’breg t’Limit sofrën kanë shtrue
Tana yjet kanë zbrit prej qiellit
N’kangë e n’valle janë bashkue
800 vjet kurorë lavdie
Që arbërorët u banë shtet
S’ka më mure padrejtësie
Që na ndanë mbi 100 vjet
Xhamadani e plisi i bardhë
Sot këndojnë kangën e kushtrimit
Anembanë ku ka shqiptarë
Bajnë betimin e bashkimit.
