AUREL BARDHO Midis dy dashurive:Mësimdhënies fetare dhe humanizmit letrar.
“I shkrova poezisë,fluturës më të bukur” – është shprehur me çiltërsi autori në dedikimin brenda vëllimit të tij të parë me poezi “Virgjëreshë apo…” me një titull sa misterioz aq edhe domethënës në ilustrim.
Libri karakterizohet nga veçoria për DASHURINË.
Nëpërmjet një rime tingëlluese poeti i këndon dashurisë si një kompleksitet ndjenjash e emocionesh të dallgëzuara nëpër kujtime.
Nuk lë pas dore dashurinë për natyrën,ku loja mes shiut,detit,yjeve a luleve i jep relaksimin e frymëzimit të dëshiruar.
Vlerëson dashurinë për jetën,të cilën e pasqyron nëpërmjet vargjeve si një dhuratë shumë të çmuar.
Poetin e josh dashuria për vendlindjen,fshatin Bubullimë e zonën e Myzeqesë,ku malli për elemente të së kaluarës ndërthuret me dëshirën për ta parë sa më dinjitoze në të ardhmen,duke gërshetuar me një ironizim e sens humori për këtë edhe pushtetarët.
Nxitur dhe nga profesioni si mësues feje (në Kishën Ortodokse) ai thekson përzemërsisht dashurinë për vlerat njerëzore që po humbin me kohën,dhe arrin t’i shprehë mjaft qartë nëpërmjet vargjeve që përçojnë mesazhe paqeje.
“Poezitë e mia kanë ndihmuar shumë djem të ndrojtur që t’jua shprehin dashurinë vajzave”- shprehet me modesti dhe buzëqeshje autori.
Dhe me të drejtë sepse poezitë e Aurel Bardhos,shkruar pa ngarkesë figurative por me freskinë e moshës e sinqeritetin e vargut,në përpjekje drejt realizimit e fitores do udhëtojnë në çdo kohë me krahët e fluturave ëndërrimtare.
ARJOLA KONDAKÇIU
Drejtor
Vladimir Muçaj
Kryeredaktor
Besim Dybeli
Gazetar(e)
Valjeta Krosi
Enkelejda Troka