ATY KU BURON ARTI ME DASHURI,DHUROHEN BUZËQESHJE
“Uau! Çfarë suprize!” Këto janë zakonisht fjalët e para shoqëruar me emocione e lot gëzimi kur merret një dhuratë.E kush nuk e dëshiron? Një dhuratë,jo vetëm të bën të lumtur për momentin por edhe të ngroh zemrën,pasi tregon diçka për dhuruesin dhe vlerësimin a mirënjohjen që ka për ty.
Për shumë persona dhurata merr më shumë vlerë kur nuk shikohet nga shtrenjtësia,por nga diçka e bërë me shumë dashuri që e specifikon në memorie kujtimin,dashurinë,emocionin apo dhimbjen.
Pikërisht,për këtë arsye ku kriza ekonomike ka një thellësi të dukshme apo ku dhe dashuria e njerëzve në përzemërsi është ftohur, ka akoma individë që ruajnë identitetin e vlerave humane duke u profilizuar në bërjen e “Dhuratave të Personalizuara”,
nëpërmjet së cilave shprehet emocioni i duhur lidhur me personin a situatën.Një punë sa modeste në të ardhura,aq edhe fisnike në përçimin e ideve të artit.
Pikërisht me këtë gjë merren dhe vajzat personazh të shkrimit tim:
Jonida Çuko dhe Xhensilda Ndreka.
Vajzat, të ardhura nga qyteti i Lushnjes për të vazhduar Studimet e Larta në Tiranë janë përshtatur me jetën e kryeqytetit në pikëpamjen më pozitive.Jetesa nëTiranë deri diku të josh me larminë e bareve dhe atmosferën e argëtimeve në darkë,por ato kanë vendosur të ekuilibrojnë dëshirat e tyre rinore me sakrificat për shkollimin,si dhe faktit që njëkohësisht duhet të mbështesin veten me shpenzime në punë me orar të reduktuar.Prandaj ,duke parë dhe aftësitë e tyre,kanë pranuar me dëshirë këtë mënyrë për të punuar;të merren me bërjen e Dhuratave të Personalizuara tek ambjenti i
“Oazit Festiv”,vendi i duhur ku gjenden shumëllojshmëri zgjedhjesh.
*Jonida- një vajzë trup imët e papërtuar që rrezaton paqe e mirësi në ëmbëlsinë e buzëqeshjes dhe ngrohtësinë e zërit plot ngjyra,i mbizotëron dukshëm kënaqësia e marrjes me këtë punë të interesante për bërjen e dhuratave,pasi,sipas saj, “një dhuratë e personalizuar jep gjithmonë buzëqeshje sepse është unike”. Mjetet me të cilat realizohet janë të ndryshme psh: Foto,kornizë,pikturë,
varëse çelësash apo në qafë,punime me gozhdë,në dru e me guraleca,me kartolina (për nostalgjikët),me lule e çokollata,tollumbace,
kukulla, shporta e objekte të tjera pa fund.
(Porositë mund të bëhen në dyqane dhuratash ose online nëpërmjet rrjeteve sociale).
*Xhensilda Ndreka- Tepër fotozhenike në qëndrim e portret,dhe me atë gjatësinë e saj të natyrshme e intuitën e syve jeshil që i shkëlqejnë akoma më shumë kur flet për idetë pa fund që ka për realizimin e artit në Dhuratat e Personalizuara, citon disa dedikime,mbishkrime,shprehje me fjalë ndërtuese,inkurajuese e plot dashuri që plotësojnë dhe e bëjnë më të veçantë dhuratën.Ja disa prej tyre:
- “Sa shpejt ikin minutat,kur lumturia zë vend”.
- “Shpërndaji në ajër buzëqeshjet e tua,teksa era të ledhaton flokët”.
- “Brenda botës sime të ëndrrave ndihem e mbrojtur, e lumtur,por mbi të gjitha, e qetë”.
- “Nuk mund të përmendësh fjalën dashuri ,e të mos ndiesh diçka”…
Sa mirë!Është vërtet mrekulli që egzistojnë këta të rinj sot të gatshëm për frymë bashkëpunimi në arsimim,punë e pse jo dhe investimesh më vonë këtu,në Shqipëri.Pa u ankuar që “s’ka punë”,por duke zhvilluar mençurinë praktike,këto vajza (midis shumë të tjerave) kanë shfrytëzuar më së miri dhuratën e talentit , aftësinë për të krijuar në bërjen e dhuratave që,në fund të fundit duhet pranuar që është edhe një punë për mbijetesë.Gjithsesi,duke i bërë dedikime të tjerëve,e meritojnë edhe ato një të tillë për forcë inkurajimi , ndaj:
Jonida dhe Xhensilda, “Një punë e bukur,kur i përkushtohesh me pasion e dashuri,të bën të LUMTUR”.
Ju lumtë vajza! ARJOLA KONDAKÇIU
