Sot është diell …
A jam e lumtur
Pse më pyet i dashur?
Vëreje praninë tënde
Si m’i ndrit sytë
Larg teje?
Larg teje zemra rëndon…
Dua të shkruaj, por s’mundem,
S’kam fjalë të ta shfaq
shpirtin aty
Njëmijë lule brenda meje përkunden,
E të njëmijtat, të ndjekin ty!
I njëjti diell lëkurën ta prek,
Po era, cila erë të puth në qafë?
Bota ime është kraharori yt që më pret
Forcë kam sa duart e tua,
mbi fytyrën time, përballë!
Sa fryma jote mbi qafë,
sa zëri yt,
Që në vesh më pëshpërin me dihamë:
-“e djeshmja iku, sot është diell”, dritës që zhyt,
Se nesër vjen, vjen ditë e bardhë!…
ALMA JAKU
