Dallëndyshja e Pemës që shtegtoj nga padrejtësia!
Vite më parë, një resort do të merrte formë si fillim, si një ide zhvillimi për turizmin por edhe për krijimin e vendeve të reja të punës, të një shteti me ekonomi jo të qëndrueshme, e më pas do të krijohej Prestige Resort. Një resort i cili hapi dyert për tu kthyer ne atraksion kombëtar dhe ndërkombëtar, për t’u kthyer në një PR për Shqipërinë e vogël. Në atë kohë Kryeministri morri lapsin dhe fletën si një piktor i madh, ideoi dhe skicoi një pemë, një pemë e cila me degët e saj qëndronte mbi pishinë dhe në degët e saj mund të uleshin dallëndyshe. Vitet kaluan Prestige rritej ndërsa dallëndyshet shtegëtonin sa në një vend në një vend tjetër. Ndërkohë grupi mediatik i cili zotërohet nga pronari i Prestig Resort në ditët e fundit ka vendosur në lëvizje shtetin me aferrën e inceneratorëve, një mega skandal në të cilën janë përfshirë kryetar Bashkie, Ministra, deri dhe vet Kryeministri. Një aferë korruptive e cila në vendet Perëndimore do të kishte rrëzuar qeveri, ndërsa tek ne ndodhi e kundërta e zbatimit të ligjit. Filloj nisja e hakmarrjes ndaj të vërtetes dhe zërit të lire, filloj çensura dhe kërcënimi. Kjo është panorama e cila po shfaqet në sytë e shqiptarevë dhe turistëve të huaj të cilët kishin zgjedhur këtë resort për të pushuar. Pa dërguar një shkresë zyrtare, pa lajmëruar institucionalisht, makineria shtetërore me urdhëra të komanduar, zbriti në Prestige Resort jo për të zbatuar ligjin por për të përcjell fermanin e Kryeministrit “se kush është kundra meje do ketë pasoja”. Një makineri për të përçuar mesazhin e frikës kundrejt medias së lirë.
Po pse ndodh kjo sjellje pikërisht tani?
Gjithçka lidhet me linjën editoriale të grupit mediatik, i cili ka zgjedhur të jetë pranë qytetareve dhe të shfaqi të vërtetën ashtu siç është e pa ju bindur propagandës qeveritare.
Propaganda po cënohet dhe prandaj KM po reagon dhunshëm, se kur Shqipëria po betonizohet nga ortakët e KM-së, makineria shtetërore ndërmer një aksion kundrejt një pishine me leje. Qesharake për tu besuar por një tragjikomedi e jetuar. Një tragjikomedi që po luhet mbi jetën e shqiptarëve, kur si pasojë e padrejtësisë nga pema e resortit ikin dallëndyshe ndërsa nga shqipëria po ikin shqiptarët. Se fabula është një: Po të jesh kundër pushtetit o do mbyllësh gojën ose do të detyrojnë të largohesh.
