HOMAZH: Shuhet Tepelenasi Kujtim Gjonaj, ikona e kinematografisë Shqiptare 🕯
Me hidhërim të thellë njoftojmë se regjizori i mirënjohur shqiptar tepelenasi Kujtim Gjonaj, sot ndërroj jetë.
Gjonaj, do të mbetet në memorien e artit dhe kinematografisë, si njeriu i parë që la gjurmë në gjininë e filmave dokumentar. Ai ishte një njeri që mirësinë dhe shpirtin artistik e kishte të stampuar në pamjen e tij, shprehëse të një fisnikërie, qetësie dhe ngrohtësie si rrallëkush.
Në sytë e këtij njeriu larë me ngjyrë Vjose kuptoje mençurinë dhe burimin e pashtershëm të krijimtarisë artistike, e cila dominoj në afro 50 vite karriere artistike, duke u bërë padashur gur i themelit në krijimtarinë ekranit filmik shqiptar.
Më kujtohet shtatori i 2016 -tës, kur organizuam ceremoninë e nderimit me titullin “Qytetar Nderi” nga Këshilli Bashkiak i Tepelenës. Gjatë fjalimeve përshëndetëse, të cilin e hapi një tepelenas i rrallë si prof. Ruka, fjalët e tij edhe ato që pasuan në atë ceremoni nëse s’do ta dije për kë flitej, do tët ngjante me një konferencë shkencore për nga vlerësimi dhe përmbajtja e asaj çka u fol për të. S’mund t’mos emocionoheshe dhe t’mos ndjeheshe i lartësuar kur dëgjoje se si Tepelenasit, bijtë e këtij vendi të ashpër në dukje, kishin bërë një vend themeli për kulturën dhe artin e kombit tonë.
Imazhi dhe veprimtaria e shquar e këtij Tepelenasi (Mezhgoran) do t’kujtohet jo vetëm nga të afërmit, miqtë e dashamirësit, por çdo brez që të pasojë në të ardhmen dhe do të kujdeset të dijë të shkuarën e kombit tonë që më së miri do ta gjej e do ta ndjejë në krijimtarinë filmike e publicistike.
Gjithashtu edhe në bibliotekën publike të Qytetit, regjizori Gjonaj tashmë do të mbahet mend si një ndër dhuruesit më të mëdhenj të titujve dhe librave nëpërmjet shtëpisë botuese “Bota Shqiptare”.
U prehsh në Paqe Mjeshtër! Jemi të keq ardhur me largimin tënd, ashtu sikurse u hidhëruam ditë më parë me ikjen e Princit të këngës Labe, Lefter Çipës… 😪🕯
