Nga Aida Shtino: Më në fund lumi Aoos ( Vjosa) nuk do të preket!

Më në fund lumi Aoos ( Vjosa) nuk do të preket !
U shpall park kombëtar dhe kjo është një arritje e madhe, për të gjithë ata që u përpoqën shumë e lobuan për këtë gjë.
Imagjinoni lumi më i “egër” në Europë, që unë do ta quaja origjinal, ndodhet në Shqipëri. Një lumë që ka një Perëndi që e personifikon që në antikitet.
Një lumë ku çdo pikë përmban një histori më vete dhe trasmeton ADN e të parëve tanë.
Uroj që i tillë të ngelet në përjetësi.
Para një viti unë zhvillova një dokumemtar për lumin Aoos ( Vjosë), duke e parë nga një këndvështrim tjetër.
Për informacion që ta dini, emri i parë i këtij lumi në antikitetin e hershëm, ka qënë AION e më pas e mori AOOS dhe pas dyndjeve bullgare në teritorin shqiptar, ata e quajtën VJOSË, që rrjedh nga sllavishtja VOJUSHA që do të thotë e bukur. Lumi Aoos ( Vjosa) buron nga malet e Pindit në Greqi dhe brenda teritorit Grek vazhdon të quhet Aoos e për çudi sa hyn në territorin shqiptar emërtohet Vjosë…
Mendoj që tani që u kthye në park kombëtar, duhet të rikthehet në identitet në territorin shqiptar edhe emërtimi i këtij lumi, që dikur në antikitet simbolizohej si “Lumi i Perëndive”.