Në Memaliaj 16-17 Gusht Festival Folklorik Mbarēkombëtar

𝐆𝐫𝐮𝐩𝐢 “𝐉𝐞𝐡𝐨𝐧𝐚 𝐋𝐚𝐛𝐞”
𝐆𝐚𝐫𝐮𝐞𝐬 𝐧𝐞̈ 𝐅𝐞𝐬𝐭𝐢𝐯𝐚𝐥𝐢𝐧 𝐅𝐨𝐥𝐤𝐥𝐨𝐫𝐢𝐤 𝐌𝐛𝐚𝐫𝐞̈𝐤𝐨𝐦𝐛𝐞̈𝐭𝐚𝐫 “𝐉𝐞𝐡𝐨𝐧𝐚 𝐞 𝐕𝐣𝐨𝐬𝐞̈𝐬”
𝐌𝐞𝐦𝐚𝐥𝐢𝐚𝐣 𝟏𝟔-𝟏𝟕 𝐆𝐮𝐬𝐡𝐭 𝟐𝟎𝟐𝟒
Grupi Jehona labe, tashmë me një aktivitet më shumë se dy (2) dekada është një formacion cilësor i këngës labe.
Grupi i krijuar në vitin 1998 nga poeti Nertesi Asllani, rapsodi që ishte ideatori, udhëzuesi dhe frymëzuesi i grupit me mbështetjen e këngëtarit tashmë të konsoliduar Z. Berdo Berdo si një nga solistët kryesor të grupit, pa përjashtuar dhe zërat brilant të marrësve të grupit që e mbajnë në sferat më të larta këngën hyjnore labe e cila ka vetëm një emër për ata: Këngën Labe.
Grupi është laureat i tre (3) festivaleve folklorike e kombëtare në Gjirokastër e Berat.
Cilësor si me këngët edhe me këngëtarët, ku kanë zëra dhe melodi më vete. Kanë një repertor të spikatur me këngë hite dhe tekste plot filozofi, si këngët lirike, ato epike dhe kënget e mërgimit. Sigurisht Znj. Fatbardha Brahimin me një zë brilant dhe e vetmja këngëtare stoike e labërisë është qershia mbi tortë për grupin.
Në arkivin e grupit janë rreth treqind (300) këngë e valle, po kështu nga fondi i tyre janë regjistruar në arkivin e kulturës popullore të shtetit rreth 130 materiale të reja e burimore dhe mbi 120 këngë, valle, melodi baritore e instrumentale.
Në shtratin e këtyre baladave, ninullave, legjendave,valleve humoristike, këngëve të dasmës apo patriotike e elegjiake, pulson një botë e tërë që jep vizione të gjëra estetike e artistike të jetës së banorëve të kësaj treve që ky grup i sjell pranë artëdashësve.
Në fondin e artë të folklorit shqiptar kanë zënë vend të nderuar këngët “Plaku me plakën ç’u zunë”, “Valle e kënduar grash”, Gjirokastër në vitin 1983,“Rritu se të pret martina!” ninullë djepi, në vitin 1988 këngët “Bluaj millona.” dhe “Kartë e zezë për në Bolenë” baladë, Berat në vitin 1995
Por mund të themi se kënga “Dil pasha se jam për udhë” është një nga perlat e grupit “Jehona Labe” e kënduar me mjeshtëri nga zëri brilant Berdo Berdo mbetet më e pëlqyera për dëgjuesin.
E veçanta e këtij grupi është interesant në llojin e vetë pasi ka shumë marrësa të mbrekullueshëm e bën të veçant dhe është një risi që një grup të ketë tre ose katër marrësa të jashtëzakonshëm. Në shtratin e tyre të këngës labe dhe interpretimin plastik, të gjitha këto gjetje përbëjnë vlera studimi..
Pjesëmarrës në festivalet ballkanike në Austri, në Greqi, Kosovë, Itali shumë e shumë të tjerë. Grupi “Jehona Labe” ka fituar çmimin laurant Fest Folk 2000 në festivalin e Gjirokastrës. Në 2017-të grupi “Jehona Labe” është vlerësuar me titullin “Mjeshtër i Madh”.
Në vitin 2020 këngëtari kryesor Z. Berdo Berdo është nderuar me titullin “Mjeshtër i Madh” me motivacionin: “Për talentin e shquar si këngëtari i këngës labe”, nga Presidenti i Rep. Bujar Nishani.
Udhëheqës artistik Z. Berdo Berdo
Ministria e Ekonomisë, Kulturës dhe Inovacionit
Bashkia Memaliaj
@highlight