COVID-19 prek institucionet në Lushnjë, pezullohet puna në Institutin e Sigurimeve Shëndetësore.
Situata me koronavirusin ka bërë që disa institucione në vend të pezullojnë aktivitetin e tyre për shkak të infektimit të punonjësve. E tillë është situata edhe në Institutin e Sigurimeve Shëndetësore në Lushnjë.
Mësohet se një punonjëse e këtij institucionin ka rezultuar pozitive me COVID-19. Në këto kushte punonjëseve u është bërë tamponi dhe pritet përgjigja e analizave.
Aktualisht të gjithë punonjësit e këtij institucioni ndodhen në shtëpi, ndërsa do të jenë rezultatet e testit ato që do të vendosin nëse do të rifillojë apo jo puna.
