Erion Isai është martuar pa e ditur edhe ai vetë se d otë ndodhte kjo gjë. E ftuar në “Gjysma Ime” në “E diela Shqiptare”, Ajlin Petrela, gruaja e Isait ka treguar në prani të tij se iniciativa për të bërë dasmë është marrë nga vetë ajo, pa ditur asgjë Isai. Më 17 Mars, datën e puthjes së parë të tyre, Petrela ka shkuar e veshur nuse në zyrën e Isait dhe ky i fundit nuk kishte kuptuar asgjë.
Kjo, sepse sekretarja e kishte lajmëruar se do të kishin një ceremony celebrimi, por jo se do të martohej ai vetë. Kështu, I veshur me kostum, Isai u bë gati të celebronte një çift, pa e ditur se do të ishte vetë ai që do të firmoste.
Pjesë nga biseda:
Ajlin Petrela: Dhe këtë vit, tani që jam me leje lindjeje kohën më të madhe e kaloj pranë Erionit, isha në Tiranë ato ditë dhe i them shoqes sime të ngushtë që dua t’i bëj një dasmë Erionit. “Si do t’i bësh dasmë?’’, më tha. I thashë “dua t’i shkoj në zyrë, e veshur nuse, pa ditur gjë”. Organizohem me ç’duhej marrë nga Tirana, fustanin e nuses, bëra gjithë përgatitjet e mia, ndërkohë kisha ngritur një grup ËhatsApp-i me stafin e Erionit në mënyrë që asgjë të mos më çedonte dhe të mos nuhaste gjë. Në datë 17, në mëngjes…
Erion Isai: Ta tregoj unë tani pjesën time. Një ditë nga nga rutinat e punës sime në zyrë më hyn asistentja dhe më thotë “shefi, kemi një ceremoni celebrimi”, të cilat unë i bëj si kryebashkiak për çiftet. “Kur e kemi?”, “më datë 17”, ndërkohë dhe fushata kishte filluar. I thashë “pash Zotin se jemi me fushatë, ta lëmë, ta bëjmë më vonë”. Tha “jo, e duan te zyra jote, të vishesh me kostum sepse do ikin në Amerikë dhe do i çojnë edhe në ambasadë këto fotot e dasmës që të jenë edhe më të besueshëm”. Pranova. Erdhi dita, e arredova në kuptimin do sillnin foltoren me logo, do e vendosim etj.
Ajlin Petrela: E vendosi me duart e tij.
Erion Isai: Me duart e mia për çiftin për në Amerikë. Më datë 17 në mëngjes, gdhihem me probleme shëndetësore, nuk isha mirë, po fare. Shkoj në punë, i veshur me gold, xhaketë, piva një kafe në zyrë, nuk më dha efekt, thashë po e pi te lokali përballë. Dola të lokali në qendër të qytetit, marr këtë (Ajlinin) dhe i them “dëgjo kam këtë dasmën, aman bela e madhe, më kanë kërkuar me kostum, por nuk do vesh kostum se nuk jam mirë me shëndet”.
Ajlin Petrela: Mua më ra pika.
Erion Isai: Kjo: “a boll tani, nëse të kanë kërkuar me kostum, me kostum. Njëherë të takojnë ata, atë mbajnë mend”. Thashë “hajde po shkoj”. Ma besoni, jam veshur me kostum dhe aq pa terezi kam qenë sa e kam peng, kam një çafkë flokësh që s’e kam rregulluar. Shkoj atje i veshur me kostum, hap derën dhe shikoj familjen time, familjen e Inës, gjithë stafi im dhe kjo nuse. Martova veten time me dorën time. /tvklan
