Personazhe të njohur të showbiz-it kanë reaguar ashpër në lidhje me mbylljen e klubeve të natës, diskove, si dhe vendeve ku dëgjohet muzikë live.
Reagimi i tyre, vjen pas vendimit të ministrisë së Shëndetësisë dhe Mirëqenies Sociale e cila ka mbyllur të gjitha klubet e natës dhe diskot.
Ky vendim dëmton rëndë ekonominë e personave që punojnë në këto biznese, që nga stafet e punonjësve e deri tek këngëtarët e muzikantët, duke qenë se këto aktivitete i kanë si burim kryesor të ardhurash.
Ndërkohë, sot është parashikuar edhe një protestë para kryeministrisë në lidhje me aktin normativ të miratuar nga qeveria.
Në orën 20:00, që duket si një simbolikë e përdorur nga artistët sërish për të ironizuar vendimin, muzikantët dhe të gjithë personat që i preket puna dhe të ardhurat nga bllokimi i lokaleve, do të mblidhen nën moton “Muzika nuk vret”.
Nga posteri i publikuar nga Dafina Zeqiri, Capital T, Sardi Shehu, Olti Curri e shumë të tjerë, kërkohet që të mos ndalet muzika, të përmirësohet kontrolli për masat ndaj Covid-19 dhe dalin kundër informalitetit.
Këto vendime të qeverisë nuk janë pritur aspak mirë dhe nga personazhet e tjere te showbizit. Moderatorja Xhemi Shehu përmes një postimi në rrjete sociale ajo ka ironizuar publikisht masat e ndërmarra.
“Po dëgjoi corona muzikë pas orës 20:00, të mbyti, sidomos nëse je duke pirë e s’je në restorant”, ka shkruar ajo në një postim në Instastory
