Moti i keq që ka përfshirë Shqipërinë mbrëmjen e sotme ka sjellë stuhira shiu dhe erë të fortë, duke shkaktuar dëme të shumta dhe pezulluar për një orë uljen e avionëve në aeroportin e Rinasit.
Përveç bllokimeve të rrugëve, rrëzimeve të pemëve dhe përmbytjeve, stuhia ka ndikuar edhe në fluturimet ndërkombëtare. Avioni i “Transavia” nga Amsterdami dhe ai i “RyanAir” nga Parisi u detyruan të ulen në Brindisi dhe Dubrovnik, përkatësisht. Po ashtu, fluturimi i “WizzAir” nga Memmingen u ul në Bari, ndërsa “RyanAir” nga Edinburgu e kishte destinacion Dubrovnikun.
Fluturimet e tjera janë vonuar për shkak të kushteve të motit, por priten të nisin pas përmirësimit të situatës.
