Pijet e mbytura me sheqer njihet që kontribuojnë në afrimin e shumë sëmundjeve si diabeti, obesiteti dhe kalbja e dhëmbëve. Tashmë një studim i ri tregon se të pish një kanaçe Coca-Cola dëmton trupin tënd brenda një ore.
Zyrtarët në SHBA thonë se gati gjysma e popullatës konsumon përditë një pije të sheqerosur me gas, sjellje kjo më e theksuar te të rriturit.
Konsumatorët e këtyre pijeve komerciale duhet të dinë se ka të paktën 37 gramë sheqer sintetik të shtuar, pra rreth 10 lugë çaji sheqer në çdo kanaçe Coca-cola ose pije të tjera të gazuara.
Në një studim të vitit 2015 të grupit Trusted Source thuhet se 184,000 vdekje në vit vijnë prej konsumit të pijeve të tilla të sheqerosura.
Farmacisti britanik Niraj Naik ka treguar se konsumi i një kanaçeje 330 mililitra Coca-Cola nis të dëmtojë trupin tënd 1 orë pas pirjes.
Naik bazon studimin e tij në shkrimet e Wade Meredith teksa thotë se ëmbëlsia e vertetë e Coca-Cola do të bënte një person të villte menjëherë, por acidi fosforik i shtuar në të zbut shijen eksterme duke bërë që njerëzit ta mbajnë në bark.
Niveli i sheqerit në gjak rritet drastikisht vetëm 20 minuta pas pirjes, shpjegon Naik, çka shkakton një shpërthim insuline që detyron mëlçinë të punojë mbi kapacitetin e saj për ta kthyer në yndyrna të depozituara.
Brenda 40 minutash trupi i njeriut absorbon kafeinën e pijes, e cila shkakton rritje të presionit të gjakut, zmadhim të bebeve të syrit dhe gjithashtu tejmundim të mëlçisë .
Në këtë kohë gjithashtu Coca-Cola bllokon receptorët e adenosinës në tru duke parandaluar momentalisht gjendjen e gjumit.
Naik thotë se kjo rrjedhë shkatërrimtare veprimi nuk i përket vetëm Coca-Cola por të gjitha pijeve me gaz të përpunuara.
“Kjo pije, nëse dikush mund ta quajë të tillë, nuk është vetëm shurup sheqer misri por e mbushur me kimikate e kripëra të përpunuara dhe kafeinë”, shkruan ai në publikimet e tij ‘The Renegade Pharmacist.’
Në një tjetër studim të vitit 2018, autorët ekzaminonin sesi përbërësit e pijeve të sheqerosura me gas ndikojnë në aktivitetin kimik të trurit duke shtuar rrezikun e ishemisë dhe të demencës.
Ato tregonin se konsumi i rregullt i këtyre pijeve dëmton kohëzgjatjen dhe ciklin e gjumit, ndërsa disa përbërës kishin efekte negative te kujtesa dhe sistemi motor.
Megjithëse asgjë nga këto zbulime nuk tregohen në reklamat e këtyre pijeve, një studim i vitit 2016 në kavjet zbulon se Coca-Cola redukton funksionin e veshkave dhe mëlçisë, por efekte të tilla te njerëzit nuk janë konfirmuar nga stabilimenti mjekesor.
