Teksa ka nisur seanca plenare e ditës së sotme në Kuvendin e Shqipërisë, ku ndër të tjera do të miratohet buxheti për vitin 2023, pedagogët po mbajnë një protestë para parlamentit.
Kërkesa që parashtrojnë është rritja e buxhetit për arsimin e lartë dhe për kërkimin shkencor.
Sikurse duket në foto, në duar pedagogët mbajnë pankarta që kërkojnë që arsimi i lartë të jetë prioritet kombëtar, që buxheti për të të jetë 1% e GDP, që tarifat e studentëve të mos jenë më të larta se në Kosovë.
“Mos e ktheni universitetin në klasë të 13-të. Na lini të punojmë e jetojmë në Shqipëri”, thonë disa prej pankartave.
Është e disata hera që pedagogët po dalin në protestë, ku kërkojnë nga qeveria rritje të pagës dhe rritje të financimit për kërkimin shkencor.
