Miqtë dallaveraxhinj të Armando Dukës/ Hani derra, pini derra…
Njëri më i pasur se tjetri, njëri më mysybet se tjetri, njëri më qelepirës se tjetri. Ja ku i keni në fotot e mëposhtme shokët e idealit të presidentit të Federatës së Futbollit Armando Duka që udhëtojnë falas me aeroplanin e kombëtares, që flenë falas në hotelet e kombëtares, që hanë falas nga supa e kombëtares, që shohin ndeshjet e kombëtares falas në tribunat VIP e tani janë lëshuar si kurrë më parë në mbrotjen e mikut të tyre.
Se çfarë lidhje kanë gazetarët amatorë Arjan Çani, Armand Shkullaku si dhe aktori amator i humorit Ilir Vrenozi me futbollit vetëm zoti lart në qiell dhe Duka poshtë në tokë mund ta dinë. Tre nga këta mysybetërit që shikoni në foto kurrë nuk kanë prekur top me këmbë a me dorë por qylin e prekin, e shijojnë dhe abuzojnë me të. Tani u erdhi koha t’ia shpërblejnë qyldhënësit të tyre dhe po i bëjnë avokatinë e djallit në marrjen e mandatit të gjashtë si president federate.
18200 euro shpenzon Federata Shqiptare e Futbollit në çdo udhëtim për miqtë gazetarë të presidentit ndërkohë që deri tani miqtë e tij kanë bërë 11 udhëtime ekskluzive me Armando Dukën. Llogaritë bëjini ju ndërkohë që me këto para do stërviteshin e do progresonin 100 talente të futbollit shqiptar! ( Blendi Mane)
