Në një takim institucional, Lleshaj mund të kursente për këto dy vajza, dëgjimin e frazave “kërcënuese” se “qytetarët që shkelin ligjin do theken me gjoba”, ose sesi miku i ministrit u prek nga COVID-19.
Ministri i Brendshëm Sandër Lleshaj ishte sot në një takim me përfaqësuesit e institucioneve në qarkun e Bulqizës, ku dha mesazhet e tij për luftën ndaj krimit, edhe atij mjedisor. Por ajo që bie në sy në këtë takim është mungesa e etikës nga ana e titullarit kryesor të Ministrisë së Brendshme, për të folur për krimin dhe korrupsionin në sy të dy vajzave të mitura.
“#Bulqizë – Me Kryetarin e Bashkisë, Prefektin, drejtues të @PoliciaeShtetit&IKMT, për mbrojtjen e mjedisit, parandalimin e goditjen e rasteve të paligjshmërisë në shfrytëzimin e nëntokës, dëmtimin e pyjeve, antikanabisin, sezonin turistik e projekte të zhvillimit të zonës ku spikat vepra e madhe, ndërtimi i Rrugës së Arbrit ”,-shkruan Lleshaj bashkëngjitur fotove.
Ky nuk ishte as një inagurim shkolle e as një takim me policinë në komunitet dhe lagje. Në një takim institucional, Lleshaj mund të kursente për këto dy vajza, dëgjimin e frazave “kërcënuese” se “qytetarët që shkelin ligjin do theken me gjoba”, ose sesi miku i ministrit u prek nga COVID-19. Gjuha e urrejtjes është e pranishme në media, Kuvend…rrugë e kudo, patjetër duhet ta bëni pjesë edhe të jetës së dy fëmijëve? Për më tepër shihni shprehinë në fytyrën e dy vajzave, flet më shumë se çdo përshkrim tjetër.
Ish deputeti i PD Xhemal Gjunkshi me anë të një statusi në “Facebook” shkruan se ministri Sandër Lleshaj gjatë vizitës së tij të sotme në Dibër, foli me tone kërcënuese, për barut e tritol e me fjalën “burg” edhe në sy të vajzave të mitura.
