Pas betimit të Joe Biden në Janar ku do të marrë drejtimin e Shtëpisë së Bardhë si president i SHBA-ve, Jill Biden do të jetë Zonja e Parë. Ndryshe nga Melania Trump, për të cilën duhet thënë se jo të shumtë patën simpati për të, ndoshta dhe për shkak të politikave të bashkëshortit të saj Donald Trump, për Jill Biden janë të shumtë mbështetësit. Mes atyre që e vlerësojnë është edhe Michelle Obama, ish Zonja e Parë e cila ka publikuar një shënim ku e quan Jill një shembull për brezin e ardhshëm.
Lexo shënimin e Jill Biden:
Prej 8 vitesh, pashë Jill Biden të bënte atë që bëjnë shumë gra profesioniste, teksa menaxhojnë me sukses më shumë se një punë në të njëjtën kohë, nga puna e saj mësimore tek ato zyrtare në Shtëpinë e Bardhë dhe rolin e saj si nënë si grua dhe si mike. Dhe tani të gjithë po shohim gjithashtu se çfarë ndodh me kaq shumë gra profesioniste, pavarësisht titujve të tyre, Dr, Zonja, Zonjusha apo edhe Zonja e Parë. Arritjet tona hasen shpesh me skepticizëm, madje edhe me tallje. Ne rrethohemi nga dyshimi i atyre që zgjedhin më shumë talljen sesa forcën e respektit. E megjithatë, fjalët e tyre mund të qëndrojnë pasi pas dekadash me punë, jemi të detyruara ta provojmë veten sërish. A është ky vërtetë shembulli që duam të japim për brezin e ardhshëm?
Jill Biden na jep një shembull më të mirë. Dhe kjo është arsyeja pse unë ndihem aq mirë sa nuk mund të kërkonim një Zonjë të Parë më të mirë. Ajo do të jetë një model i jashtëzakonshëm jo vetëm për vajzat e reja, por për të gjithë ne, duke veshur arritjet e saj me hir, humor dhe po, me krenari. Jam e ngazëllyer që bota do të shohë atë që unë kam njohur – një grua e shkëlqyer që është e dalluar në profesionin e saj dhe me jetën që jeton çdo ditë, gjithmonë duke kërkuar të ngrejë të tjerët, në vend që t’i shkatërrojë ata’.