Ish-presidenti i vendit Ilir Meta, ka dënuar sulmin kibernetik ndaj shërbimeve qeveritare shqiptare nga Republika Islamike e Iranit.
Kreu i Partisë së Lirisë thotë se reagimi i qeverisë shqiptare për ndërprerjen e marrëdhënieve diplomatike, është korrekt por shumë i vonuar.
Përmes një postimi në Twitter, Meta shkruan se ngjarja duhet të nxisë vigjilencën, përgatitjen dhe bashkëpunimin serioz të Shqipërisë me NATO dhe BE-në, në marrjen e të gjitha masave për të garantuar sigurinë dhe mbrojtjen e qytetarëve dhe vendit.
“Dënoj edhe një herë me forcë shkeljen e fundit të sigurisë kombëtare të Shqipërisë nga Republika Islamike e Iranit. Reagimi i sotëm i qeverisë shqiptare për ndërprerjen e marrëdhënieve diplomatike është korrekt por shumë i vonuar.
Sulmi kibernetik dhe qëllimi keqdashës nga ky vend duhet të nxisin vigjilencën, përgatitjen dhe bashkëpunimin serioz të # Shqipërisë me@NATO dhe BE-së, në marrjen e të gjitha masave për të garantuar sigurinë dhe mbrojtjen e qytetarëve dhe vendit”, shkruan Meta.
