Makina të shumta policie janë filmuar teksa qarkullonin me një shpejtësi të lartë në Tiranë. Videoja është publikuar nga JOQ në profilin e tyre në Facebook dhe tregon mjetet me sirenat blu që ecin me shpejtësi.
Pamjet tregojnë rrugën “Ferit Xhajko”, ndërsa makinat duket se udhëtojnë për në drejtim të ‘5 majit’. Nuk dihet destinacioni i tyre apo arsyeja që i ka bërë të nxitojnë në këtë mënyrë duke e kthyer vendin në shtetrrethim.
Gjatë mesnatës së kaluar, Dritan Dajti, i dënuari për masakrën e Durrësit është transportuar nga burgu i Peqinit në Tiranë në Qendrën Spitalore “Nënë Tereza”. Nuk dimë të themi nëse pamjet i përkasin transportimit të tij.
