Kreu i shtetit francez Emanuel Macron, në një telefonatë që ka zhvilluar me presidentin ukrainas Zelensky, ka deklaruar se Franca do të mbetet e mobilizuar për të përmbushur nevojat e Ukrainës.
Ata kanë diskutuar edhe për mbështetjen humanitare dhe ushtarak, ndërsa trupat vazhdojnë të luftojnë në lindje të Ukrainës.
Zyrtarët lokalë ukrainas, thonë se qyteti i Severodonetsk tani kontrollohet kryesisht nga forcat ruse.
Më herët në komente të veçanta, Zelensky tha se rajoni “mbetet epiqendra e konfrontimit në Donbas”.
Sipas deklaratës që përshkruan natyrën e thirrjes midis Zelensky dhe Macron, presidenti francez tha se vendi i tij “do të mbetet i mobilizuar për të përmbushur nevojat e Ukrainës, duke përfshirë armët e rënda”.
Macron gjithashtu e pyeti Zelenskyn për nevojat e tij “për sa i përket pajisjeve ushtarake, mbështetjes politike, mbështetjes financiare dhe ndihmës humanitare”.
Në deklaratë thuhet se të dy liderët ranë dakord të qëndrojnë në kontakt, “veçanërisht në dritën e opinionit se Komisioni Evropian do të dorëzojë kërkesën e Ukrainës për t’u bashkuar me Bashkimin Evropian”.
