Duket se lufta e Ramës me Becchetin ka shkaktuar një bombë në xhepin e shqiptarëve.
Dhe jo vetëm një gjyq të fituar, por me një kërkim të thjeshtë, rezulton që sipërmarrësi italian, Francesco Becchetti ka fituar një tjetër gjyq në datë 20 Mars 2020.
Bëhet fjalë për atë që njihet si “Gjyqi i plehrave”.
Ky është gjyqi i dytë i madh në Arbitrazh. I treti është në Strasburg.
Ne faqen e ICSID, ku publikohen gjithë hapat e gjyqit, ende nuk është zbardhur vendimi, por thuhet që vendimi FINAL është dhënë në 20 Mars.
Por, kjo histori nuk mbaron këtu, pasi Revista “Jus Mundi”, e cila merret me çështje legale dhe gjyqet e arbitrazheve thotë që vendimi është dhënë në favor të investitorit.
Pyetja që bëhet në këtë rast është: Sa është kjo faturë e dytë që shqiptarët duhet të paguajnë për një tjetër tekë të Edi Ramës?
Më parë, Gjykata e Arbitrazhit, ICSID në New York ka dënuar Shqipërinë me 110 milionë euro për mbylljen e televizionit Agon Channel që ishte në pronësi të sipërmarrësit italian.
