Hismet Smakaj një 65-vjeçar nga Shkodra që prej vitesh jeton në Londër është bërë heroi i një vajze 7-vjeçare, e cila ishte duke u mbytur në lumin Tamiz në lindje të vendit.
Gjatë pasdites së të shtunës së shkuar, në 17 maj, Hismeti ishte me bashkëshorten e tij duke u kthyer nga një shërtitje, kur vuri re vajzën e cila po qëndronte në kangjëllat metalike pranë lumit. Teksa po kalonin pranë saj, vajza shkëputi duart dhe u hodh në ujin e ftohtë dhe të vrullshëm të lumit.
Pa u menduar dy herë, Hismeti hoqi rrobat, bëri 3-4 hapa mbrapa, dhe u hodh në lumë për të shpëtuar jetën e vajzës. Pasi notoi për rreth 5 metër, ai arriti ta kapë vajzën që po e merrte rrjedha duke u kapur fort pas murit të bregut të lumit.
Brenda pak minutash në zonë u mblodh një turmë e madhe njerëzish, bashkë me policinë, të cilët ndihmuan në misionin e shpëtimit të vajzës.
Pas doli nga uji, Hismeti tha: “Ka fëmijë dhe nipër e mbesa. Kështu që në momentin që pashë vajzën e dija se duhet të veproja për të bërë çishte e mundur që ta nxirrja nga uji.”
Më pas vajza e cila raportohet se vuan nga autizmi, u mor nga infermierët të cilët i dhanë ndihmën e nevojshme.
Mediat në Britani e kanë konsideruar Hismetin si një hero për veprimin që bëri.
