Të shtëna me armë zjarri janë regjistruar mbrëmjen e së enjtes në Sarandë.
Paraprakisht, dyshohet që të ketë pasur një shkëmbim zjarri mes dy grupe personash në kodrën mbi rrugën e pestë të qytetit.
Të shtënat janë qëlluar me armë të tipit pistoletë dhe kallashnikov.
Mësohet se përplasja ka ndodhur në një rrugicë pranë një lokali. Policia e Sarandës dhe FNSH kanë rrethuar vendin e ngjarjes.
Informacion paraprak
Rreth orës 21:40, në fshatin Gjashtë të Sarandës, lart në kodër, dyshohet se një person ka qëlluar me armë zjarri në ajër.
Kanë shkuar shërbimet e policisë së Sarandës si dhe një grup i FNSH me qëllim krehjen e zonës.
Vijon puna për sqarimin e rrethanave të ngjarjes.
