LAJM I FUNDIT/ Mbarime Isufaj komandohet në detyrën e Prefektes së Qarkut Fier
Një tjetër grua do të shërbejë si Prefekte e qarkut Fier. Me vendim të Këshillit të Ministrave është komanduar në detyrën e Prefektes së qarkut Fier, Mbarime Isufaj, e cila zëvendëson në këtë post Rajmonda Balilajn, ish-kryetaren e Bashkisë Patos, e cila akuzohet nga Prokuroria e Posaçme për abuzim me fondet publike.
Më herët Mbarime Isufaj ka qenë kryetare e degës së Partisë Socialiste në Mallakastër, nënprefekte e kësaj zone dhe ish-kryetare e Këshillit Bashkiak Mallakastër. Prej disa kohësh ajo ishte tërhequr nga angazhimet e saj politike pranë strukturave të Partisë Socialiste, ndërsa tashmë është emëruar Prefekte e Fierit.
