Atentati në Vlorë/ Policia gjen një automjet të djegur në afërsi të Hidrovorit, ka dyshime se…
VLORË
Tashmë është konfirmuar se viktimë e atentatit të sotëm në Vlorë është shtetasi Gentian Qarri, 40 vjeç. Policia ka dhënë informacion për ngjarjen.
Sipas forcave policore, një automjet i djegur është gjetur në afërsi të Hidrovorit në qytetin bregdetar. Makina ka dyshime se është përdorur në atentat.
Njoftimi i policisë:
Më datë 06.02.2021, rreth orës 18:16, në lagjen “29 Nëntori”, në afërsi të Bibliotekës të qytetit është plagosur me armë zjarri, në rrethana ende të paqarta shtetasi G. Q., rreth 40 vjec, i cili si pasojë e plagëve të marra ka ndërruar jetë në spitalin e Vlorës.
Shërbimet e Policisë kanë mbërritur menjëherë në vendgjarje ku është rrethuar zona dhe janë ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit.
Grupi hetimor po vijon punën për sekuestrimin e çdo prove materiale që do ti shërbej zbardhjes së ngjarjes dhe identifikimit të autorit/ve.
