Ish-ministri i Drejtësisë, Ylli Manjani, ka ironizuar vendimin e fundit të Ministrisë së Shëndetësisë, për ndalimin e muzikës për lokalet e natës pas orës 20:00. Në një postim në Facebook, Mananji shkruan, se sipas qeverisë, kush dëgjon muzikë pas orës 20:00 e zë virusi.
Gjithashtu ai është ndalur edhe te pamjet skandaloze nga Infektivi, ku qesja e serumit ishte zëvendësuar me shishe uji. Ai shprehet, se ka mbledhur disa shishe uji dhe do t’ja japë Infektivit, për t’i përdorur për serum.
Postimi i plotë
Gjatë kohës që Kryeministri ishte te Këshilli Politik, qeveria e Tij deklaroi se kishte vendosur të mbyllte baret në plazhe. I lemë mënjanë disa pyetje ligjore si psh: kush e mblodhi qeverinë? Përse me akt normativ? Cila ishte nevoja dhe urgjenca për një akt normativ? Etj, etj… Më e bukura është se qeveria thotë se kush dëgjon muzikë pas orës 20:00 e zë virusi… hahahahahahahahahahahahahahahahhahahahaha… Të puthsha mendjen- i thonë kësaj meseleje. Ah po, kam mbledhur ca shishe plastike uji, po ti duan ata të infektivit për serum jua jap.
Ministrja e Shëndetësisë, Ogerta Manastirliu, publikoi dy ditë më parë disa pamje nga lufta e mjekëve brenda Infektivit. Mirëpi ministrja harroi një detaj të rëndësishëm tek video, ku në vend të qeses së serumit ishte përdorur shishe uji.
Gjithashtu Manastirliu njoftoi sot vendimin e fundit të qeverisë, për mbylljen e diskove dhe lokaleve të natës, si dhe ndalimin e çdo lloj muzike pas orës 20:00.
