Kuçovë/ Kryebashkiaku Hajdari e kryepolici Nallbati, mbrojnë vjedhjen e oligarkut Salillari, me dajak mbi banorët që mbrojnë ujin
Pse u tregua “kaq i gatshëm, i shpejt e efiçent” kryepolici i Qarkut Berat?/ Saktësojmë, se ky tender me vlerë 3.5 milionë Euro është investim fiktiv, mbasi kjo zonë i ka 4 ujësjellës funksinal e me kapcitet furnizimi; mirëpo duhen mbushur “thasët” e Pëllumb Salillarit të zbrazur gjatë fushatës; i cili po e grabit ujin vaditës të 150 hektarë tokave bujqësore, për të shtuar fitimin edhe me 700 mijë Euro në këtë tender, duke mashtrur me pasqyra punimesh
Afera korruptive me një tender “të pisët” e fals, dhënë në muajin janar 2021 nga kryebashkiaku i Kuçovës, Kreshnik Hajdari, në favor të oligarkut Pëllumb Salillari, ka shkaktuar dhunë të egër fizike policore, mbi banorët e fshatit Sinec në zonën e Lumasit.
Bëhet fjalë, për tenderin e ujësjellësit Lumas e disa fshatrave të tjerë, me vlerë 3.5 milionë Euro; me të cilin, oligarku Salillari, për të ulur shpenzimet dhe shtuar fitimet me mashtrim edhe me 700 mijë Euro vetëm në këtë tender, kërkon t’u marrë ujin e tokave banorëve të fshatit Sinec.
Këtë marifet të Salillarit e ka lejuar dhe mbështetur kryebashkiaku i Kuçovës, Kreshnik Hajdari; por kanë reaguar banorët e fshatit, të cilët protestuan në mbrojtje të ujit, me të cilin vadisin 150 ha toka bujqësore.
Palë në mbrojtje të tenderit korruptiv dhe vjedhjes me mashtrimin e kostos së ujësjellësit, është bërë dhe Drejtori i Policisë i Berat, Neritan Nallbati (mjeshtër pazaresh në çdo qark ku ka qenë); i cili me urdhër të oligarkut Salillari e kryebashkiakut Hajdari; ka vërsulur mbi forcat policore me dhunë shtazarake.
Pamjet në video, tregojnë qartë me zë e fugrë, se çfarë dajaku të egër ka përdorur policia e Kuçovës dhe Beratit, mbi banorët e pambrojtur të fshatit Sinec, për të mbrojtur vjedhjen që kanë inskenur e duan të realizojnë sa më shpejt Pëllumb Salillari dhe kryebashkiaku i Kuçovës, Kreshnik Hajdari.
Tenderi 3.5 milionë Euro është korruptiv e qokë për të mbushur thasët e oligarkut Salillari, mbasi sipas informaconit konfidencial nga Ujësjellës-Kanalizime Kuçovë, zona e Lumasit nuk ka nevojë për ujësjellës jetër, sepse aktualisht ka 4 ujësjellësa me kapacitet përballues të nevojave.
Mirëpo, tashmë që pazari e tenderi është bërë qysh më 12 janar 2021 dhe 30% e vlerës është paguar paradhënie pa nisur fare punimet; oligarku Salillari e kryebashkiaku Kreshnik Hajdari, duan ta mbyllin sa më shpejt këtë aferë, duke rrahur banorët që nuk lejojnë grabitjen e ujit.
Banorët kanë protestuar me qetësi e në paqe, por situata është agravuar, kur ka ndërhyrë dhunshëm policia; e cila vetëm dajakun ka në dorë, sepse udhërin e ka marrë nga drejtori Nallbati, i mirënjohur në çdo rreth ku ka qenë drejtues, si “usta”për të mbrojtur oligarkët, kriminelët, të fortët e “kavalierët” që zaptojnë pasuri të komuniteteve nëpër zona.
Saktësojmë, se për këtë investim, nuk është bërë asnjë konsultim paraprak, mirëpo dy pazaraxhinjt Pëllumb Salillari e Kreshnik Hajdari; kanë siguruar një raporti vlerësimi e konsultimi fals, siç siguruan dhe gatishmërinë e policisë për të rrahur banorët e fshatit Sinec.
Kujtojmë, se kryebashkiaku i Kuçovës, Kreshnik Riza Hajdari, është personazh i njohur për “punë të pista” me bizneset, oligarkët dhe kriminelët biznemenë të Qarkut Berat, gjatë viteve 2013-2019 kur ka qenë drejtor i OSHEE; “histori” për të cilat do flasim në vijim./Pamfleti
