Kuçovë/ Krimi “lundron” në ujërat e Kanionit Sinec; krye-oligarku Salillari, kapet në flagrancë duke korruptuar pushtetarët
Fakti që kjo aferë tenderi 3.6 milionë Euro, është biznes i oligarkut Pëllumb Salillari, ia ka kyçur gojën dhe kryeministrit Rama, ministres Balluku, ministrit Klosi që ka dhënë lejen mjedisore dhe ministrit Çuci, që po lejon kryepolicin e Beratit, Neritan Nallabati të masakrojë banorët e Lumasit, të cilët po protestojnë për të mbrotjur ujin e tokave.
Rasti zaptimit të Kaninonit Sinec në Lumas-Kuçovë me dhunë banditësh e policore nga kryeoligarku Pëllumb Salillari, është provë e qartë, se mungesa totale e shtetit dhe lënia e territorit nën “thundrën” e krimit, ka krijuar terren të lirë për dhunë, diskriminim e gjakosje të qytetarëve nga vetë shteti.
Protesta e vënë në kamxhikët e policisë në Sinec, konfirmon se oligarku Pëllumb Salillari, është jo vetëm nxitësi, por edhe financuesi i dhunës së përgjakshme policore kundër banorëve që po mbrojnë ujin e tokave të tyre.
Çudia me rastin aferës së kryebashkiakut Kreshnik Hajdari të Kuçovës dhe dhunës policore ndaj protestuesve në Lumas, është fakti aktual, që taksat publike, qeverinë, shtetin e policinë i komandon Pëllumb Salillari, një ish- faturino në Urën Vajgurore, i denoncuar e rrahur shumë herë dhe i prangosur për ngacmime seksuale në autobusët urbanë.
Këtë influencë në kupolën e shtetit, Pëllumb Salillari nuk e ka si biznesmn i ndershëm, por si akrobat aferash korrupsioni në ndarje pjesësh me shtetarët; gjë që e fakton dhe kapja e tij në flagrancë, duke korruptuar drejtuesit e Policisë e të pushtetit në Berat-Kuçovë, që po i shërbejnë për të shtypur protestën e banorëve.
Në pamjet e fiksuara, duket qartë lidhja e afërt mes tyre, si provë që çështja zgjidhet vetëm me ndërmjetësimin dhe kontributin e “devotshëm” të krimit.
Pazaret e Pëllumb Salillarit kundër protestës së banorëve në Sinec-Lumas, tregojnë se ryshfeti është “lubfrikanti” i tij i vetëm që aktivizon grupet e krimit dhe përdor funksionarët e shtetit, për të bërë biznes të paligjshëm.
I pajisur me fuqinë e sponsorit të “çeqeve” për blerje votash më 25 prill, Pëllumb Salillari ka kërkuar e po merr shpërblimin nga Bashkia Kuçovë, nga qeveria dhe policia e Neritan Nallbatit në Berat, për të larguar banorët nga protesta e ujit në Kanionin Sinec.
Nuk është zbatim ligji, por aferë edhe fakti, që kryetari i Bashkisë së Beratit, Ervin Demo, i detyrohet shumë Pëllumb Salillarit, prandaj “i fal” leje ndërtimi aty ku ka intersa fitimi të madh, paçka se cënon mjedisin, hapësirat publike dhe shërbimet e banorëve.
Po çfarë kusuri i kanë qytetarët banditëve si Pëllumb Salillari, që me grykësinë e favorizuar prej pushtetit, po betonizon, shkatërron e zhduk perlën natyrore Lumi e Kanioni Sinec, që përveç bukurisë çon dhe ujë në tokat e banorëve?
Prej javësh, banorët kësaj zone janë duke protestuar kundër ndërtimit të ujësjellësit e nuk do tërhiqen, sepse sipas ligjit dhe të vërtetës së tyre jetike, tenderi i Bashkisë së Kuçovës me vlerë 3.6 milionë Euro, nuk ka lidhje me zhvillimin e zonës, por është aferë korruptive mes Pëllumb Salillarit e kryebashkiakut Kreshnik Hajdari.
Ky, në shkelje të plotë të ligjit, ka miratuar leje ndërtimi ujësjellësi në Kanionin e Lumit Sinec, kur kjo zonë është e mbrojtur dhe e shpallur “Monument Natyre” qysh në vitin 2002.
