Kryeministri Rama uron per ditelindje Moxartin e skenes shqiptare. Ja postimi!

GëzuarDitëlindjen🥂

ANRI SALA është Moxarti i skenës shqiptare të arteve pamore. Ishte vetëm 10 vjeç kur me herën e parë që preku bojrat e vështira të vajit, pikturoi një natyrë të qetë, për të cilën po të mos e dish autorin e të mos jesh ekspert i ekspresionistëve, mund t’ia mveshësh autorësinë cilitdo prej emrave të mëdhenj të ekspresionizmit. Të tilla janë plot prej pikturave të fëmijërisë e të adoleshencës së Anrit, që sot mbush 46 vjeç dhe shkëlqen mes yjeve më të ndritshëm të artit bashkëkohor në botë. Kam pasur fatin ta ndjek rritjen e tij qysh nga fëmijëria dhe ta admiroj ngjitjen e tij në majat e botës, por nëse do të duhej të numëroja cilësitë e tij të veçanta, do ta nisja nga qëndrimi i palëkundur me këmbë në tokë dhe mirësjellja e llojit më të bukur me të tjerët. Anri qysh sot ka hyrë në historinë artit botëror, shqiptar po se po, por duke i uruar edhe 100 vite të suksesshme, uroj që sa më shumë artistë të rinj ta njohin e të mësojnë prej njerzillëkut të tij mbresëlënës🙏