Vaksinat sjellin në Shqipëri edhe Edi Ramën, kryeministri shfaqet në aeroportin “Nënë Tereza” duke pritur dozat e Pfizer.
Kanë mbërritur në aeroportin “Nënë Tereza” 15.210 dozat e vaksinës nga kompania Pfizer.
Në aeroport përveç ministres së Shëndetësisë është paraqitur edhe kryeministri Edi Rama, që ditën e sotme ishte në një takim me krerët e BE në Bruksel.
Duket se Rama nuk ka dashur ta humbasë këtë moment, ndaj ka marrë avionin dhe ka ardhur për të pritur vaksinat.
Disa orë më parë u njoftua nga ministria se ardhja e vaksinave do të shtyhej me 24 orë, por vetëm pak minuta më parë ministria njoftoi sërish se vaksinat kishin ardhur.
