Kryebashkiaku Flamur Golemi vlerëson Konsullin e Nderit dhe ironizon mediat.
Gjatē fjalës së kryetarit të Bashkise së Gjirokastrës Flamur Golemi ne Forumin për të Arthmen e Zhvillimit të Rajonit të Gjirokastrës, organizuar nga Universiteti “Eqrem Çabej” në bashkëpunim me dy universitete italiane, ai bëri një vlerësim të veçatë për kontributin e Konsullit të Nderit të Republikës Italiane Teodor Bilushi. Krahas vlerësimit si një kontriubues, mbështetës dhe negociator i mirë për projektet, investimet dhe politikat e përbashketa vendore të orientimit të ekonomisë së Gjirokastrës, kryebashkiaku Golemi ironizoi disa media qē shkruan negativisht për pozicionin e zotit Bilushi si këshilltar pranë kabinetit të kësaj bashkie për zhvillimin e qëndrueshëm të saj.
Duke folur për bashkëpunimin e shkëlqyer në të gjitha nivelet me palën italiane, zoti Golemi tha se ishte krenar për faktin që i ndan idetë dhe përpjekjekjet e të arthmes se Gjirokastrës me një person me nivel e potencial si të zotit Teodor Bilushi, një intelektual që aftësitë e tij i ka vënë tërësisht në shërbim të progresit kulturor dhe ekonomik të bashkisë dhe qarkut të Gjirokastrës.
Duke ironizuar hapur shkrimet e botuara nē media e portale, që pozicionin e punës si këshilltar pranē kabinetit të bashkisë të zotit Teodor Bilushi, kryebashkiaku Golemi deklaroi: “Ky skandali i publikimit të pagave, sipas disa artikullshkruesve paska nxjerë edhe një “shkelje të rëndë” të bashkisë së Gjirokastrës?!” Por unë, vazhdon zoti Golemi, do të isha shumë i nderuar dhe i vlerësuar, nëse do të kisha shumë më shumë se ty Teodor në bashkinë e Gjirokastrës, të kisha shumë më shumë kontriubues që bashkarisht të shumëfishonim vlerat dhe të punonim me mish e me shpirt për Gjirokastrën. “Unë të falenderoj që je pjesë e stafit tim. Të falenderoj gjithashtu shume fort për gjithçka ka bërë Italia për Gjirokastrën. Vërtet që lidhjet e Gjirokastrës me Italinë janë të hershme, por ky bashkëpunim ka patur gjithmon prezencën dhe shkëndijat e tua nxitëse për t’u riaktivizuar”, përfundon prononcimi e tij kryebashkiakut Flamur Golemi. ( Pergatiti: E.S)
