Ajo që ndodhi në Kuvendin e Shqipërisë gjatë votimit për ligjin e dosjeve ishte sa e turpshme aq edhe fatkeqësi.
E turpshme sepse Edi Rama hartoi një ligj posaçërisht kundër Ilir Metës, thjesht e vetëm për ta goditur politikisht.
Fatkeqësi sepse një pjesë e deputetëve të Partisë Demokratike, ata që rëndom njihen si grupi ‘Alibeaj’ ngritën kartonët bashkë me Edi Ramën.
Por pasi ligji u miratua zbulohet hipokrizia dhe naiviteti i atyre që e votuan.
Deputeti i PD, Kreshnik Çollaku pak ditë më parë pranoi publikish se ligji ishte kundër Ilir Metës dhe se PS i kishte gënjyer për hapjen e dosjeve.
Ndërsa, gjatë fjalës së tij në foltoren e Kuvendit, kur do të votohej ligji, Kreshnik Çollaku u shpreh ndryshe, madje duke shprehur entuziazmin e pamatë se dosjet e Sigurimit të Shtetit u hapën.
Kreshnik Çollaku para votimit të ligjit: Unë nuk do ta fsheh të vërtetën time dhe entuziazmin që po ndodh sot: Çuna, e kryem, i hapëm dosjet e Sigurimit të Shtetit.
Kreshnik Çollaku pas votimit të ligjit: Është një ligj për Ilir Metën, asgjë më tepër. Për Ilir Metën dhe 2-3 të tjerë në atë sallë, që i kanë rivalitete poilitike dhe duan t’i eliminojnë në këtë formë. Kjo është ajo që po bëjnë me këtë ligj socialistët.
