Vendimi për rihapjen e vendit më 1 qershor është i mirëpritur, por mjaft i vonuar deklaron Konfindustria.
Sipas saj ky vendim i vonuar për ti dhënë fund masave kundër Covid ka shkaktuar rritje të paarsyeshme të dëmeve ekonomike dhe financiare. Vetëm në periudhën mars-prill keqmenaxhimi i krizës ka shkaktuar një dëm financiar që llogaritet të paktën 350 milionë dollarë.
“Konfindustria vlerëson, se masat shtrënguese jopërpjestimore me shkallën e rrezikut real shëndetësor në vend dhe sidomos vonesat e paarsyetuara të kalimit në normalitet, kanë shkaktuar rritjen e paarsyetuar të faturës financiare në dëm të bizneseve, qytetarëve dhe ekonomisë kombëtare në afatgjatë.
Sipas vlerësimeve krahësimore me vende të tjera të Rajonit, keqmenaxhimi i krizës ka prodhuar një dëm financiar në të paktën 350 milionë dollarë të llogaritur vetëm për muajt mars-prill 2020. Në vlerën e mësipërme nuk janë llogaritur dëmet financiare të shkaktuara nga vonesat e kalimit në normalitet në muajin maj në vazhdim”.
Konfindustria ka vlerësuar, se fatura financiare e krizës Covid për ekonominë formale në muajt mars prill është mbi 1.2 miliard dollarë dhe ekonominë reale mbi 2 miliard dollarë. Monitor.
Pergatiti:D.D
