Koço Kokdhima: Shitësve të detit u kujtoj vendimin nr.15 datë 15.4 2010 të Gjykatës Kushtetuese!

Shitësve të detit, cenuesve të tërësisë territoriale, shkelësve të sovranitetit-tradhëtarëve të Shqipërisë, që, si 11 vite më parë, janë gati të pranojnë synimet për zgjerimin nga 6 në 12 milje të ujërave detare të Greqisë, u kujtoj vendimin nr. 15, datë 15.04.2010 të Gjykatës Kushtetuese të Republikës së Shqipërisë se: “Marrëveshja e lidhur midis Republikës së Shqipërisë dhe Republikës së Greqisë “Për delimitimin e zonave të tyre përkatëse, të shelfit kontinental dhe zonave të tjera detare që u përkasin në bazë të së drejtës ndërkombëtare”, është e papajtueshme me Kushtetutën sa i takon çështjeve lidhur me: a) mospajisjen e delegacionit shqiptar me plotfuqi të rregullt nga Presidenti i Republikës për zhvillimin e negociatave dhe lidhjen e marrëveshjes; b) mangësitë serioze në përmbajtjen e marrëveshjes; c) moszbatimin e parimeve bazë të së drejtës ndërkombëtare për ndarjen e hapësirave detare midis dy vendeve me qëllim arritjen e një rezultati të drejtë dhe të ndershëm; ç) mosmarrjen parasysh të ishujve si rrethana të veçanta në delimitimin e hapësirave detare”.
Vërtetë që Gjykata Kushtetuese është çmontuar prej vitesh nga Rilindja, por ky vendim është i patjetërsueshëm, ashtu si çdo milimetër tokë dhe det shqiptar. Çdo tentativë e politikanëve gjakprishur dhe të shitur të Tiranës për ta zhbërë do të marrë përgjigje të merituar nga populli shqiptar.