Vili Minarolli, një nga figurat e njohura të Partisë Demokratike dhe njëherësh ish-ambasador i Shqipërisë e ka konsideruar të padrejtë faktin që dy mbesat e tij janë marrë nën hetim pasi denoncuan publikisht mjeken Migena Qato pas vdekjes së babait të tyre, Rifat Lalo.
Në një status në profilin e tij në Facebook, Minarolli shkruan se ajo që po u ndodh mbesave të tij mos i ndoshtë as hasmit, pasi vajzat kanë edhe nënën e infektuar në shtëpi dhe tashmë do të duhet të përballen edhe me një process gjyqësor. Minarolli kërkon më tej edhe mendimin e miqev të tij në Facebook, për të parë se kujt i japin të drejtë.
Reagimi i Minarollit
Te dashur miq te fb dhe me tej, u informova se mjekja e infektivit qe permendet me emer nga dy mbesat e mija ka hapur nje ceshtje penale?!! ndaj tyre. E drejta e saj. Po ju drejtohem edhe juve te jepni gjykimin tuaj: Mendoni sikur secili prej jush te ndodhej ne ate situate kur babai i tyre, idhulli i tyre ne castet e fundit te jetes u kerkonte ta nxirrnin nga ai vend ku e kishin lene te braktisur dhe nuk e prekte njeri me dore dhe ne komunikim me mjeken ajo u thoshte se po i benin skaner dhe te gjitha mjekimet. Pas disa castesh babai i tyre ndërroi jete.
Tani gjykoni dhe ju, ke duhet te besonin vajzat, babane apo mjeken? Njeri nuk thoshte te verteten dhe ne kete rast ai/ajo quhet genjeshtar. Ka emer tjeter? Pastaj mendoni gjendjen psikologjike te tyre ne ate moment! Tani atyre u duhet te perballen edhe me nje procedim gjyqsor kur kane edhe te jemen me infeksion ne shtepi. Nuk i shkruajta keto rradhe per te ndikuar tek drejtesia. Ajo te beje detyren e saj, por si duket ne vendin tone humanizmi dhe njerezorja po i humbet vlerat. Asnje mos e perjetofte (edhe hasmii )ate qe perjetuan dhe vazhdojne te perjetojne mbesat e mija.
Sot, dy vajzat e të ndjerit Rifat Lalo, kanë folur pasi u proceduan penalisht nga policia, me pretendimin se kishin përhapur informacion të rremë. Në një intervistë për “News 24”, vajzat treguan se kanë nisur përplasjet me mjeken Migena Qato, pasi babai i tyre u lutej përmes telefonit që ta nxirrnin nga spitali, pasi e kishin lënë në të ftohtë. Dy vajzat e të ndjerit Rifat Lalo i kërkojnë Spitalit Infektiv t’u dorëzojë dosjen e plotë me diagnozën dhe protokollin e trajtimit në spital të babait të tyre përfshirë diskun e skanerit