Kaos në Kakavije, pala greke mbyll sportelet

Kakavija
Fluksi i madh i udhëtarëve që po kalonin në Kakavije ditën e sotme ka bërë që pala greke të pezullojë punën në pikën kufitare.
Kalimi i mjeteve dhe udhëtarëve është páralizuar për shkak se punonjësit grekë kanë ‘çuar duart lart’ përballë fluksit të madh dhe justifikohen se nuk e përballojnë dot ngarkesën e madhe të punës në këto ditë të nxehta të gushtit.
Një situatë e pazakontë e cila ka bërë që radha në pikën kufitare të shtohet akoma më shumë duke u shtrirë në disa kilometra. Qytetarët shqiptarë që presin të kalojnë për në Greqi janë në paqartësi totale dhe nuk dinë çfarë do të ndodhë me rifillimin e punës nga ana e sporteleve greke.