5 nga pikat e programit të Kandidatit për drejtimin e FRPD të Shqipërisë:
1 . Synimi kryesor i FRPD do të jetë mbrojtja e të drejtave të arsimimit dhe punësimit të rinisë shqiptare në vend. Për këtë organizata jonë do të përqendrohet kryesisht si një institucion që do monitorojë sistemin arsimor shqiptar, MAS dhe institucionet përbërëse të tij, me objektiv kryesor mbrojtjen e të drejtës së të rinjve për arsim cilësor dhe bashkëkohor dhe përforcimit të bazamentit nacional, patriotik dhe laik të edukimit të brezit të ri. Kjo do të thotë që organizata do jetë promotore e ndryshimeve adekuate në ligjin mbi arsimin parauniversitar shqiptar, korigjimit të Ligjit të Arsimit të Lartë, çlirimit të universiteteve shtetërore nga KASTAT Permanente që mbretërojnë prej dekadash të pashqetësuar në të gjitha universitetet shtetërore; ushtrimin e presioneve të mjaftueshme dhe të arsyeshme për vendosjen në kontroll të mëtejshëm të institucioneve private të arsimit që ende funksionojnë si biznese fitimprurëse në dëm të rinisë dhe nuk sjellin ato rezultate për të cilat u lejuan të krijohet 17-20 vite më parë.
- Vëmendje të përhershme do ti kushtohet Programit mbi Sportin, që nenkupton hartimin e një SKEDE PROGRAMORE me kërkesa të drejtuara organeve qeveritare, sot në Opozitë dhe nesër në Pushtet për ndërtimin e terreneve publike sportive dhe përforcimit të edukimit fizik cilësor të brezit të ri, përforcimit të akademive sportive pranë Bashkive, etj.
- FRPD do krijojë një Bord për Monitorimin e Punësimeve të Rinisë, që do ketë si objektiv paralel, kthimin e trurit në Shqipëri dhe mbrojtjen e të drejtave të punësimit të rinisë shqiptare universitare në vend, konform meritës dhe rezultateve në universitete dhe në përgatitjen profesionale.
4.Favorizimi fiskal i start up-eve të ideuara dhe organizuara nga ana e të rinjëve specifikisht në fushën e teknologjisë së informacionit, teknologjisë së shërbimeve financiare dhe teknologjisë. Dhënia e grandeve për star-upet.
- Mobilizim i të tërë instancave shtetërore për studim dhe minimizimit e shpopullsisë të Shqipërisë nga elita rinore dhe studentore.
