Ish-deputetja Rudina Hajdari, thotë se marrëdhënia e saj me ambasadoren e SHBA Yuri Kim, nuk ka ndryshuar pavarësisht afrimit të saj me Sali Berishën.
Sipas Hajdarit, “non-grata” është çështje personale e kryetarit të ri të PD.
“Nuk ka ndryshim sa i përket marrëdhënieve të mia me SHBA, me Ambasadën. Jam afruar në PD, kam patur edhe rezervate mia sa i përket zotit Berisha. Sa i përket non gratës e kam thënë dhe do ta them që është një çështje personale e Berishës, që ka nisur ta ndjekë dhe s’mund të infektojë PD”, tha Hajdari.
Anëtarja e Këshillit Kombëtar të PD-së, ka folur edhe për “Ballkanin e Hapur, duke u shprehur se kjo nismë do vërë në pikëpyetje rrugëtimin e Shqipërisë drejt BE-së.
“Proces i cili ka qenë jo transparent. Kur është lancuar në Novi Sad është quajtur si një mini shengen, por marrëveshja që është bërë mes tyre, nuk është publikuar dhe parë nga asnjë. Ku është ky dokument dhe çfarë ka ndërmend ky akt themelimi për Open Balkan. Procesi integrimit nuk po ecën përpara, ka patur bllokada, nuk ka patur progres real.
Ka zgjedhur një rrugë tjetër, po ta shohësh në të gjitha nivelet, është një projekt i rrezikshëm, për orientimin e Shqipërisë drejt BE. A mund të jetë ky një projekt që na e ndryshon kursin sa i përket integrimit në BE. Në momentin që ne nuk përfshijmë të gjitha vendet e Ballkanit, kur ti zgjedh një kurs alternativ sa i përket procesit të Berlinit.
Do vë në pikëpyetje të madhe nëse Shqipëria do ecë drejt BE, duke marrë parasysh që Vuçiç ka kundërshtuar sanksionet ndaj Rusisë, e ka bërë të qartë që në këtë mes është duke mbështetur linjën ruse”, është shprehur Rudina Hajdari.
