Pas tërheqjes së “Rilindjes” së Ramës nga shkarkimi i Ilir Metës si president fshihet një histori shantazhi me video rozë, droge dhe ndërhyrje në drejtësi; Edi Rama shembi Komisionin hetimor parlamentar për shkarkimin e Presidentit kur loja po bëhej e rrezikshme…
Me këto fraza e nis publikimin e një shkrimi të sotëm “pamfleti.net”, sipas të cilit gjithsa Edi Rama nisi një vit më parë me lëvizjen hetuese për shkarkimin e Metës nga president s’ishte veç pjesë e lojës shantazhuese mes dyshes në fjalë, lojë e cila vijon prej 13 vitesh nga dashuria në urrejtje dhe anasjelltas.
“Loja Rama-Meta ka si qëllim të vetëm kontrollin e pushtetit, institucioneve dhe ekonomisë, pasurimit dhe mbrojtjes nga drejtësia, duke mbajtur në gjumë popullin me teatër, skema politike dhe propagandë. Por mënyra se si Edi Rama u zbyth nga plani i shkarkimit, duke deklaruar përmes ushtarëve të tij se anulimi i zgjedhjeve të 30 qershorit nga Ilir Meta ishte një shkelje e lehtë e Kushtetutës, flet për një hall të madh dhe siklet të Bablokut.
Në rrethet politike dhe mediatike flitet se Meta e ka shantazhuar Ramën me disa video tronditëse, publikimi i të cilave do të fundoste Ramën, bashkë me Rilindjen. Nga ana tjetër, edhe Edi Rama, përmes Spartak Brahos, ka siguruar një video korrupsioni të Monika Kryemadhit dhe Shkëlzen Berishës, ku bëjnë pazar me pasuritë publike. Por, vijimi i luftës me video, do të fundoste si Ramën, ashtu edhe Metën. Një betejë të tillë me video nisën edhe Meta dhe Berisha në vitin 2015, por u tërhoqën me shpejtësi kur loja nisi të bëhej e rrezikshme. Të gjithë e mbajnë mend kur Meta dhe Spartak Braho, në vitin 2015, vendosën një monitor në Parlament, për të transmetuar një video të Shkëlzenit, pasi Berisha i kërkonte Metës dorëheqjen, me akuzën se kishte porositur vrasjen e Tom Doshit dhe Mhill Fufit. Por, Meta dhe Berisha u ‘morën vesh’ minutat e fundit dhe më pas u bashkuan kundër reformës në drejtësi.
Historia po përsëritet mes Ramës dhe Metës. Ky i fundit ka kërcënuar Ramën se do të publikojë videot nëse nuk tërhiqej nga komisioni i shkarkimit. Personat që i kanë parë këto video, kanë konfirmuar se bëhet fjalë për video rozë, duke marrë lëndë narkotike si dhe biseda për ndërhyrje dhe komandim të drejtësisë. Disa ditë ditë më parë, Lefter Maliqi, një deputet pranë Metës, tha se “do jetë përballë meje në Parlamentin e Shqipërisë dhe do e zhvesh lakuriq, siç është. Mos kujtojë ky palaço se ka vdekur Prifti dhe videot e Priftit apo kasetat e Dashi Pezës apo te lokalet e Tiranës, mungojnë. Po e përsëris, nuk mungojnë videot dhe kamerat e këtij mashtruesi, të këtij skenaristi të 21 janarit, të këtij skenaristi të puçit të shtetit që ç’nuk bëri për të rrëzuar qeverinë Berisha apo z. Meta”.
Një vit para se të bashkohej me Ramën në 2013, Meta dha një mesazh mesazh të qartë, kur tha se “Unë dua vetëm 2 minuta kohë për të transmetuar diçka në video dhe audio për të parë vërtet se kush ndërhyn tek prokuroria dhe gjyqtarët për qëllime politike. Në këmbim të mospublikimit të videos, Rama jo vetëm shembi komisionin hetimor sot, por disa javë më parë bëri ‘kuban’ Ardian Dvoranin për Ilir Metën si dhe ka publikuar një plan për legalizimin e parave të korrupsionit”, shkruan pamfleti.
