Një shqiptar dërgon Gjukanoviçin në opozitë dhe sjell në pushtet partitë pro-serbe!
Drejtuesi i lëvizjes URA, Dritan Abazoviç, ka dërguar partinë në pushtet DPS, në opozitë. Edhe pse është ideologjikisht shumë më i afërt me DPS-në sesa me partitë pro-serbe, ai zgjodhi bashkëpunimin me Frontin Demokratik që u krijua nga koalicioni opozitar, Për Ardhmërinë e Malit të Zi”, “Paqja është kombi ynë” dhe “E zezë dhe e bardhë”, Zdravko Krivokapic, Aleksa Becic.
Kush është Dritani nga Ulqini, “çetniku” shqiptar që e ka quajtur Skënderbeun, serb!
Ulqinaku që ka në dorë qeverinë e Malit të Zi, pas tërmetit sillte ndihma dhe jepte gjak në Durrës!
Që në fillim, Abazoviç i ka qëndruar idesë se, Mali i Zi meriton të drejtohet nga një qeveri ekspertësh.
“Propozimi ynë nuk është që të kemi politikanë në qeverinë e ardhshme. Në Parlament dhe qeveri duhet të ketë ekspertë që do të delegojnë të gjitha partitë së bashku dhe që do të kenë një program për të organizuar zgjedhjet e para të lira në Mal të Zi në dy ose katër vjetët e ardhshme. Atëherë ne do të kemi një dallim të qartë ideologjik”, tha ai para zgjedhjeve, informon dritare.net.
“Mali i Zi meriton të udhëhiqet nga një qeveri ekspertësh, unë jam i kënaqur që kolegët e tjerë nga opozita e pranojnë këtë. Ne donim liri. E kemi, merrni, ju e meritoni atë”, tha Abrazovic mbrëmë.
Ashtu siç paralajmëroi edhe vetë, Abazoviç ishte ai që i dha rrugë tjetër lojës. Hoqi nga pushteti partinë e Gjukanoviç, dhe ngriti partitë e vogla.