Ky është infermieri i Traumës që humbi jetën sot nga Covid-19
Ministria e Shëndetësisë raportoi sot 6 viktima nga Covid-19, mes tyre një 63-vjeçar, me detyrë infermier në Spitalin e Traumës në Tiranë.
I infektuar prej disa ditësh me koronavirus, Pëllumb Maletaj nuk ka mundur dot ta fitojë betejen me këtë virus, dhe ka ndërruar jetë.
Ai vuante dhe nga disa sëmundje bashkëshoqëruese të cilat e kanë penalizuar në luftën kundër covid-19.
“Betejën me virusin e rrezikshëm nuk e ka fituar dot një 63-vjeçar nga Tirana, i cili ka ushtruar detyrën e infermierit në spitalin e Traumës dhe vuante nga sëmundje bashkëshoqëruese, me gjithë përpjekjet maksimale të mjekeve dhe infermiereve. I shprehim ngushëllime familjarëve dhe kolegëve për këtë humbje jo vetëm për familjen por edhe për sistemin tonë shëndetësor”, deklaroi sot MSH.